إزاي أشتغل كأدمن

ليه: الوحدة الجديدة مش هتشتغل غير لما تعمل ٤ حاجات بالترتيب ده.

1. إعداداتك الأساسية — الإعدادات ← الوحدة والشهر: اسم الوحدة، المستشفى، والشهر اللي بتشتغل عليه. الشهر ده هو اللي الأعضاء هيسجّلوا فيه.
   الإعدادات بتفتح في وضع «سريع» — بيوريك بس اللي بتغيّره فعلًا. محتاج حاجة تانية (الأسماء والفئات، المظهر، إعدادات متقدمة)؟ دوس «كل الإعدادات» فوق الصفحة.
2. قواعد وحدتك — الإعدادات ← قواعد البصمات: كام بصمة في الشهر، وتتوزّع إزاي على الأسابيع، وحد النايت.
   مهم: سيبت خانة حد النايت فاضية = بلا حد. متكتبش صفر.
3. ارفع ملف وردياتي — الأدوات ← استيراد شفتات من وردياتي. ارفع ملفات الشهر كلها مع بعض. منه بيتعمل كشف الوحدة، وكل عضو بيشوف شفتاته لوحده برقمه.
   الشفتات مابتتحسبش ضمن البصمات — هي معروضة بس عشان تساعد العضو يختار.
4. ابعت لينك الدعوة — الأعضاء ← رابط دعوة الأعضاء. أي دكتور يفتح اللينك يسجّل وينضم لوحدتك من غير ما تعمله حساب.
5. تابع — اللوحة: كام سلّم، كام لسه، ومين بياناته محتاجة مراجعة.

ليه: الوحدة بتفضل شهر ورا شهر — القديم مابيتمسحش.

1. افتح الشهر الجديد — زرار افتح شهر جديد فوق. الأعضاء هيلاقوه فاضي قدامهم، وبياناتهم الثابتة (الفئة والكود) بتتنقل لوحدها.
2. المنصة هتسألك: فيه حد غادر؟ — علّم عليهم بزرار غادر الوحدة في كشف الأعضاء.
   مغادر ≠ محذوف: بياناته القديمة بتفضل، وهو بس مش هيتحسب في الشهر الجديد.
3. ارفع ملف وردياتي بتاع الشهر الجديد. الملف بيقول شهره بنفسه — لو رفعت ملف شهر قديم هيتحفظ كأرشيف من غير ما يلمس الشهر الحالي.
   فيه حد مشي أو جه جديد؟ — لو مش أول شهر للوحدة، المنصة بتقارن الملف الجديد بالشهر اللي فات وتقولك مين مشي ومين جديد لوحدها أول ما ترفع. لو نسيت، الزرار جنب عدد اللي سلّموا في الإرسالات بيوريك في أي وقت.
4. وحّد أسماء الشفتات — الأدوات ← توحيد أسماء الشفتات. شاشة بعمودين — الشهر اللي فات والشهر ده — المتشابه بيتوصّل بخط لوحده، والباقي بضغطتين (دوس اسم من كل عمود يوصّلهم). عشان «مين أخد أكتر شفت» يطلع صح عبر الشهور.
   قرارك هنا بيفضل ساري في كل الشهور، والمنصة مش هتخمّن تاني.
5. حدّد الديدلاين — الإعدادات ← قفل التسجيل. بعد الميعاد الفورم بيتقفل، والعضو يقدر بس ينزّل نسخته أو يعدّلها لنفسه.
6. بلّغ الأعضاء — الإعدادات ← التنبيهات والواتساب ← بلّغ الأعضاء بتغيير.

1. الأدوات ← مولّد الروستر. اختار يوم واحد أو فترة.
2. اختار طول الاسم (كامل / ثنائي / ثلاثي…) ومصدر الاسم (الفورم / ملف وردياتي).
3. توليد الكشف ← بيطلع بأسماء الشفتات الحقيقية والأرقام، جاهز للنسخ بتنسيق الواتساب.
4. عايز تعدّله؟ عدّل الكشف — تشيل أو تبدّل أو تزوّد شفت لأي حد، والمنصة بتقارن وتقولك اتغيّر إيه بالظبط قبل ما تحفظ.
5. عايزه ينتشر لوحده؟ حط لينك دعوة جروب وحدتك (chat.whatsapp.com/...) في الإعدادات — وإحنا هندخل الجروب وننشره.

ليه: ده اللي بيوفّر عليك تفتح الإكسل وتعدّ بإيدك.

1. الإجابة جاهزة من أول لحظة — الفلتر بيفتح على كروت أسئلة («مين ما سلّمش» · «مين فاضي يوم ١٨» · «مين أكتر/أقل واحد أخد شفت معيّن» · «مين مخالف وليه» · «مين جديد الشهر ده» …)، وكل كارت فيه العدد + أول ٥ أسماء على طول من غير ما تدوس حاجة.
2. أكتر من ٥؟ دوس «شوف الكل» تحت الكارت. وأي كارت عن يوم معيّن (زي «يوم ١٨») فيه سهمين ‹ › تغيّر بيهم اليوم من غير ما تعمل سؤال جديد.
3. سؤالك مش من الجاهزين؟ دوس ✎ سؤال مخصص فوق الكروت — بيفتحلك جملة بمكعبات (وكمان / أو / مش) تركّبها زي ما عايز، تختار المدى («الشهر ده» / «ده واللي فات» / «آخر ٣ شهور» / «كل الشهور») وشكل الإجابة (أسماء / رتّبهم / عدّ بس / توزيع بالشهور). احفظه وهيرجعلك كارت جديد جنب الباقي — و«⚙️ أسئلتي» بيجمعلك كل اللي حفظته.
4. من جوّه «سؤال مخصص»: «جهّز رسالة» (قايمة جاهزة للنسخ) · «تحليل الفئات» · CSV · صورة · «تعيين شفت» · «اقترح جدول».

فئات الأيام (بوست / حوادث)

الفلتر ← إدارة فئات الأيام — زرار تحت كروت الأسئلة مباشرة. دوس عليه، وعلّم الأيام على التقويم وسمّي الفئة.

• زرار «اقترحلي أيام البوست» بيقراها من ملف وردياتي (اليوم اللي بعد الاستقبال) وإنت توافق أو تعدّل.
• «استثنِ شفتات من العدّ» — لو اللسته مش بوست، استثنيها وهي مش هتتحسب.
• الفئة بتترحّل للشهر الجديد بأيام فاضية، و«تحليل الفئات» بيجمع عبر الشهور وكل شهر بأيامه هو.

• الدايرة = نسبة اللي سلّموا من كشف ملف وردياتي.
• سلّموا / لسه ما سلّموش = دوس عليهم يوديك على الأسامي.
• «مخالفات محتاجة مراجعة» = بيانات شكلها غريب (رقم واتساب، كود، اسم) — مش مخالفة لقواعد البصمات. دوس عليه تشوف السبب مجمّع: كام واحد لكل سبب ومين هما.
• خريطة تغطية الشهر = كل مربّع يوم، ولونه بيقول كام واحد علّم فيه — مفتوحة دايمًا، وفيها مفتاح بصمات / شفتات تختار بيه. دوس على أي يوم يطلعلك الأسامي وزرار «افتح في الفلتر».
• «في ملف وردياتي» = عدد الناس في كشف الشهر.